Actualidade
Alva Martínez Teixeiro, profesora da Universidade de Lisboa e colaboradora de ILLA, imparte o curso libre "Artistas Letrados e Letrados Artistas — Relações interartes na Literatura Brasileira (Séculos XX e XXI)".
O curso do Programa de Pós-Graduação em Letras da Pontifícia Universidade Católica de Rio Grande do Sul discorrerá, via zoom, entre outubro e decembro do ano en curso, abordando as relacións interartísticas, entre o visual e o verbal, establecidas na Literatura Brasileira en tres períodos notábeis pola súa extraordinaria modernidade e radicalidade nos séculos XX e XXI: o das neovangardas, o da contracultura e o da denominada posmodernidade.
Para esta multifacetada reflexión, partése de varios topoi críticos e de diversos exemplos significativos:
1) Modernidade, renovación do paideuma, crise do verso, tensión entre racionalismo e subjetividade, polémica e experimentación na obra neovanguardista de Ferreira Gullar.
2) Contestación cultural, negación da arte intelectiva, sensorialismo e irracionalismo, propostas experienciais e experimentais na fáustica e alucinada interpretación interartística da contracultura de Hélio Oiticica.
3) Posmodernidade, hibridismo, arte em crise, crise do suxeito e literatura dixital, na contemporaneidade brasileira e nas obras de Laura Erber e Nuno Ramos.
