Publicacións

No marco do proxecto "Recuperación, análise e divulgación da toponimia menor da Coruña e da súa comarca", desenvolvido durante o ano 2014 pola Agrupación Cultural Alexandre Bóveda, estes Aspectos de toponimia menor coruñesa recollen a maior parte das palestras públicas organizadas dentro do ciclo de conferencias do mencionado proxecto. Grazas a elas, pódese ter acceso a información sobre nomes de lugar que, se non fose polo labor das persoas que xentilmente aceptaron participar nesas actividades, dificilmente chegarían ás lectoras e aos lectores. Igualmente, facilítase a reflexión, con diferentes datos e perspectivas, sobre o enorme valor cultural, etnográfico, histórico, lingüístico e paixasístico da toponimia galega en xeral e da coruñesa en particular.