Actualidade

A Revista Galega de Filoloxía acaba de ser clasificada no Cuartil 3 (Q3) do Scimago Journal Rank (SJR), un dos principais indicadores internacionais de avaliación de revistas científicas.
O índice SJR mide o impacto das publicacións científicas considerando tanto o número de citas recibidas como a relevancia das revistas, o que outorga a esta clasificación un alto grado de fiabilidade e prestixio.
Este recoñecemento supón un aval á traxectoria e calidade da revista, especializada na investigación lingüística e literaria do ámbito galego-portugués. A súa presenza no Cuartil 3 confirma o seu crecente impacto no contexto académico internacional.

A Revista Galega de Filoloxía foi creada no ano 2000, no seo da Área de Galego-Portugués da Facultade de Filoloxía da Universidade da Coruña.
Actualmente mantén aberta a chamada de contribucións para o número 26, polo que se convida a investigadoras e investigadores a enviar traballos orixinais que se enmarquen nas liñas temáticas da publicación.

Pódese consultar o perfil da revista no portal de Scimago:
👉 https://www.scimagojr.com/journalsearch.php?q=21101131179&tip=sid&clean=0