Publicacións

Ademais dun extenso percorrido pola prensa peninsular e americana na procura de reseñas sobre a actividade cultural de Martínez-Risco e a Academia Galega, este libro ten como obxectivo central dar a coñecer unha serie de ensaios inéditos do autor, centrados boa parte deles na poesía popular e nos nosos poetas. Complétase o volume coa reproducción dalgúns poemas xuvenís, cos que iniciou a súa andaina literaria cando a penas tiña cumpridos os dezasete anos e que se prolongan durante a súa mocidade, de 1916 a 1926.

Finalmente, tamén se inclúe unha selección da abundante correspondencia que mantivo o autor con figuras destacadas na vida social e intelectual.