Actividades

O vindeiro 29 de outubro desenvolverase na Sala Carvalho Calero da Facultade de Filoloxía da UDC o seminario de investigación Novos ollares á literatura do século XIX, organizado polo proxecto de investigación Cronoloxíca da literatura galega (1801-1900) –dirixido pola profesora Teresa López Fernández–, o Grupo ILLA e o Departamento de Galego-Portugués, Francés e Lingüística.
 
Novos ollares á literatura do século XIX está dirixido a todo o profesorado, persoal investigador e persoal investigador en formación. Certificarase a asistencia para o cómputo como horas de formación no doutoramento.